Psiah u Lat cha ka Khloo Kyntang ha Mawphlang deiwa kwah u yoh ya u Rudraksha

U Lat ka jylla Meghalya, u CH Vijayashankar da lai pait u ya ka Khloo Kyntang wa em ha Mawphlang ynnin ka sngi wei da yap biej u ya kani ka thaw wei yei ye ka Hima nadooh ki longchwa manchwa hadooh kiwa katni yow pynneh ya kani ka khloo kyntang.

U Lat da lai u cha Mawphlang deiwa khut sñiawbha yong ka KHADC, heiwa da yooh kjat u nyngkong ha Khasi Heritage Village, wei hadien won da lai psiah u chapoh ka khloo kyntang.

U Lat ka Meghalaya da pynsñiaw u yei kmen yow tip chaphang ki khloo, wei da pynsñiaw u leh yei kwah u wow yoh ya u chyieñ Rudraksha uwa mih ha u dieñ uwa em ha katai ka khloo.

U Rudraksha toh u kynja chyieñ uwa da tyrkhaw yong u soh na u dieñ Elaeocarpus Ganitrus, wei man u leh uwa emyatoh wa u Shiva hei rukom ngait ki Hindu, wei katkam i ngait wa ya uni u chyieñ da jooh deiñ wow e yada wei hawa booh yei duwai.

Related posts

Wanrah ka sorkar Meghalaya da ka Policy thymme yow chah u e wai da ki kari Private cha kiwa uiñke suwari

August 8, 2025

Lai e kyrchaan ka Dorbar Kur Khasi ya ka KHADC yow yaleh pyrchah ya ka mukotduma ka SRT

August 8, 2025

U Lat da ong u wa chwa wow poi u cha Meghalaya da jooh ong u wym em thaw wa miat bar ya ka Mysuru tangwa katni da pdiang u wa ka Meghalaya man sakhiat ko kam i bneiñ.