Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa kut ynne da ka yakhun Final hapyrdi ka Newhill waka Mulang Ialong.
Ya kani ka Final da wan wow sakhi da u T. Laloo, President ka Kur Laloo Jowai kam u kongsan deiwa emlang ki dkhot ka WJDSA, u DSO ka West Jaiñtia Hills, u K. Passah wa kiwi de kiwa chah khut sñiawbha.
Ka yalehke da man ko kawa ya ryngkat bor bha heiwa hadooh wa kut i por ym em wa yoh u thap, kamtæ ka yalehke dapoi ko cha ka Extra Time heiwa u Richard Dhar da pynyoh u yei jop ya ka Mulang Ialong ha ka mini wa 93 yow kut ka yalehke da 1-0.
Ha kani ka sngi da saam leh ya ki khusnaam cha kiwa yalehke heiwa u Elad Dhar na ka Myrjai da yoh u yei naam Top Scorer deiwa thap 10 tylli ki kool.
U Confirm Bang na Newhill da yoh u yei naam Best Goalkeeper.
U Richard Dhar na ka Mulang Ialong da yoh u yei naam Man of the Match.
Yei naam Player of the Tournament da yoh u Nidaraoi Mulieh na ka Mulang Ialong.
Discussion about this post