U Deputy Chief Minister ka jylla, u Sniawbhalang Dhar da ban joor u wa ka sorkar thooh laad bha ko wow pynbait wei wow kyrriah ya kiwa sah ha Harijan Colony wa tip leh kam ka Them Iew Mawlong khlem slem de.
Da ong u wa i yaklam wa ka Harijan Panchayat Committee (HPC) ini wadep da paan por ki 15 sngi wei da e yeini i por wa paan ki wei da paan chooh ki hadooh wa kut uni u bnai wei yeini daw yaklam leh wa u Chief Secretary ha kani ka tayaaw.
Kam wow pynkynmoo wa em hadooh 342 tylli ki manyung kiwa sah ha ini i thaw kiwa daw hap wow kyrriah thaw noh.
Hawa kylli wa lada ini i paan por ka HPC toh wow pynslem donhi yei por, u Sniawbhalang da ong u wa ymtoh i wow pynslem yeini i kaam neibhah ka yalang wow wan ymtoh u man ko wa oo namo wa u Deputy Chief Minister, u Prestone Tynsong tangwa wow Chief Secretary.
Nyngkong ka HPC da kyntait ko yei tyrwa ka sorkar wow kyrriah ya ki tangwa da pdiang won ki hadien, wei ha u Naiynru u 2013 ha i chong bichaar ka Meghalaya High Court ka HPC da pdiang ko yei kyrriah deiwa pynkylla kattu katni ki bynta.
Discussion about this post