Uwi u bru wa tip kam u Michael Jones Nohriang (30 snem) da khlaad noh u hadien wa kylla ka kari u ha Shillong Bypass hajan ka chnong Umeit, Ri-Bhoi ynne heipor kamwa 1:30 i sngi.
Kani ka kari Hyundai Eon wa em Number (ML 05J 8818) manda chwa u poi ha Umeit da lai ko cha rood sarok wei da kynthiar ko cha iwi i kpær wa em ha rood sarok heiwa da neh ko dei tnoom cha tre hadooh wa da nioñ wei da ksih ko ya uwa em hapoh uwa da sahkut ki kjat hapoh kari.
U Michael toh uwa na chnong Pyndensohsaw, Mawsynram, East Khasi Hills wei da lai luti u na Shillong cha Bhoirymbong heipor wa jia ini.
Uni u bru da khlaad noh u pyn ha ini i thaw wa jia neidaw wa joor mynsoo wei da ye wow sai oo napoh kari deiwa krehlang ki pulit wa ki bru paidbah heiwa yei metyap da kit cha Nongpoh Civil Hospital yow leh ya ka Post Mortem.
Neiliang kiwa ha-yung ha-sem u da wan ki wow pyntikna wa toh hi u Michael.
Discussion about this post