Phah sangeh ka Bangladesh yei lehniam Durga Puja heipor Azaan wa Namaz wei wow chalan dakha cha India

I pyrchah ya ki Hindu ha Bangladesh dang pteiñ i hadooh katni heiwa ha kani ka kynti da pynmih ya ka hukum wow sangeh ya ki bynta ka lehniam Durga Puja heipor Azaan namo i por ngoohblai ki Muslim. 

Ka sorkar wa thymme ha Bangladesh da phah ko wow sangeh ya ki kaam lehniam Durga Puja khamtam i tem sur heipor Azaan wa Namaz.

U Home Affairs Adviser ka Bangladesh, u Lt Gen (retd) Md Jahangir Alam Chowdhury da ong u wa ki Puja Committee toh u sangeh ki wow tem sur ha kini ki por wei da pdiang ki leh yeini.

Yeini da pynbna u hadien wa kut ka yalang heiyatoh wa i chongsuk chongsaiñ hapoh ka ri khamtam chwa ka Durga Puja kawa man ka lehniam wa heh dooh yong ki Hindu ha kani ka ri.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

U Chowdhury da pyntip u leh wa daw em 32,666 tylli ki Puja Mandap wa da chna ha kylleiñ ka ri heiwa 157 tylli toh ha Dhaka South City wa 88 tylli ha North City Corporations.

Ha iwi won i liang, ka Bangladesh da khang ko wow chalan ya ka dakha wa tip kam ka Hilsa cha India chwa wot u poi ka Durga Puja. Kani ka jait dakha toh kawa pynemkaam bha ha ki baam ki Bengali wei kawa chet da tu bha ha ki por puja.

Ka sorkar Bangladesh da e daw ko wa da leh yeini yow pyntikna wa dap chwa iwa emkaam hapoh ka ri neibhah hapoh ka ri leh pynemkaam bha ya kani ka dakha ha kini ki samoi lehkmen.

Da pynche leh wa ini i khang wow chalan ya kini ki jait dakha toh iwa du chipor donhi.