Daw chong pyrkhat kiwa sikai SSA yei tyrwa pynku tulop ka sorkar

Ka Meghalaya SSA School Association (MSSASA) daw phah jubab ko yei tyrwa hajrong i rai ka sorkar wow pynku noh ya ka tulop yong ki palat 12,541 ngut kiwa sikai SSA hapoh ka jylla.

Hawa yaklam wa kiwa pathai khubor ynne ka sngi, u President ka MSSASA, u Aristotle C Rymbai da ong u wa daw chim rai lang ki ha ka yalang ka General Executive Council (GEC) ka wow man ha ka 21 tarik uni u bnai hajrong ki jubab kiwa da yoh na u Director of School Education & Literacy (DSEL) wa State Project Director, Samagra Shiksha Abhiyan (SSA) yei pynku tulop wa i thung kreh wa pura ya kiwa sikai SSA.

Da pyntip u wa ka MSSASA da yachem ko wa u Director ha ka 10 tarik, heiwa da pyntip ya ka Association wa da yoh pdiang ya ka hukum na u Commissioner & Secretary ka chnat Education wow booh chwa ya katni ya i tyrwa wow pynku tulop.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Kawi won wa da tyrwa ka chnat toh wow rah cha ka Cabinet heiyatoh wa i thung kreh pura noh ya kiwa sikai SSA.

Katkam wa ong u, ka Association da pynman ko ya ki yalang wa boon wa ka sorkar ha ka kyrdan u Symbood Montri Rangbah wa u Montri ka chnat Education hajrong kini ki artylli ki kaam.