Ka 2nd Division 2024 ka East Jaiñtia Hills District Football Association (EJHDFA) da poi ko cha ka sngi wa khat-wi ynne deiwa pynman le tylli ki yalehke.
Ha ka yalehke wa nyngkong, ka Musniang SC da jop ko da 3-0 ya ka Iapmala UTD SC da ki kool wa thap da u Mardi Rymbai ha ka minit wa 14, u One Enjoy Dkhar ha ka minit wa 44 wa u Yookilang Siangshai ha ka minit wa 69.
Ha ka yalehke wa ar, ka Ladrymbai Dongwah SC da rem ko da 0-1 ha ka R. Madanpynriang SC da ka kool wa thap u Encourage Dkhar ha ka minit wa 74.
Ka yalehke wa le da kut ko da 2-2 hapyrdi ka Lumputhoi SC waka Umlyngsha Youth SSC.
Ya ka Lumputhoi da thap da u Midrik Lyngdoh ha ka minit wa 17 wa u Forjoin Lyngdoh ha ka minit wa 72 katwa ya ka Umlyngsha Youth da thap da u Eleven Biam ha ka minit wa 6 wa 43.
Da ini, da psiah Quarter Final ka R.Madanpynriang SC wa Ladrymbai Dongwah SC na ka Pool A, ka Musniang SC na ka Pool B, ka Umlyngsha Youth SSC wa Lumputhoi SC na ka Pool C, ka Lakadong Umlatdoh na ka Pool D.
Ki yalehke wa bood u pynman ha ka 16 tarik kiwa man kamni:
Deinshalalu DC Vs Iongkaluh SCSC (12:30 PM)
Musniang SC Vs Sutnga Mission SSCC (02:30 PM)
Discussion about this post