WYMHUN

U Kiang Nangbah man u kamni,

Nadooh dangkhian em u i mynsien dukhi.

Yow dohlieh na Ri Sepsngi,

Wymhun u wow synchaar u ya i.

Manka miet khana parom ka Bei u ya oo,

Yeitæ i por i wymyoh de u, u yoo.

Yow tæ u payu waheh u yong ka,

Yow Ksan Sajar yi wajia?

Da tynyap ya oo ha Chan Myrsiang,

Ha kti ki dohlieh ki makariang.

U Kiang Nangbah manda sñiaw yeini,

Dei chyrkhiat lamieñ i mynsien sam dukhi.

Jooh ong ka Bei u ya oo kamni,

Khon ham chaniah yei yi yei yi.

Lym yoh mi u yoo daki khmat yong me,

Dei khana kiwi ham e laad ham e.

Kam u chynrang satar hei pran,

Chadien u, wym kynran.

Neibynta ka Ri wa maya,

Ha wakut yieñ u wow yada.