Jowai : Ka kynmoo warom ya ka lyngkhooh snem wa 154 yong ka sngi yap u Woh Kiang Nangbah, kamwa leh khlieh snem da pynman da ka Kiang Nangbah Iasiat Khnam Memorial Society ha Madiah Kmai Blai, Syntu Ksiar ynne ka sngi.
Ha kani ka sngi da pynman da ka yalang ya kawa da yoh leh yei klam pdiang burom na u president ka seiñ u ma J. Sumer.
U General Secretary ka Lei Synshar Cultural Society, u ma Kamnipaia Challam, hei klam yong oo da ong u wa kani ka juk ymtoh de ka juk wow pynchah i da u radang næ wow rah ka wait tangwa emkaam u man i kiwa da pynkhreh wow yaleh neibynta i hok yong i.
U Acting Dolloi ka Elaka Jowai u ma Puramon Kynjing da ong u wa u Kiang Nangbah man u uwa yahkhmat ya ki wa bood ya oo, da ki aiñ bru wa ki aiñ blai.
Kam u symbood kongsan u Dy. CEM ka JHADC u Andrew Shullai, da e yaroh u ya ka seiñ wa da ye ko u pynman ya kam kani ka yachemlang khlieh snem.
U RC Laloo kam u kongsan ha kani ka yalang da ong u wa dap u dei mynsien wa sñiaw kmen wow em bynta ha kam kani ka yachemlang kawa man leh ka sien wa nynkong wow embynta u kam heini.
Da kyntu u leh ya waroh wow pynyoo ki ya ka sap wa em ki, ka wow man ka myntoi ya ka mynried yong ki.
Da yoh leh yei rwai wa i chaad wa da pynkhreh da ka Seiñraij Changpung, ka Loompyrdi Iongpiah, Loomiongkjam, ka Chilliangraij, Panaliar, wa kiwi kiwi.
Da saam leh ya ki prize cha kiwa jop ha ki yakop waphæ waphær kam ka essay, drawing, wa ka phet marathon.
Discussion about this post