Dawa ka JAC ki ar seiñ wow kyrriah kreh ya u Manager ka ICP wa em ha Tamabil

Ka Joint Action Committee (JAC) hapyrdi ka War Jaiñtia Student Union (WJSU) Central Body waka Federation of Khasi Jaiñtia & Garo People-War Jaiñtia Circle kawa da yachem ynne ka sngi ha Amlarem heiyatoh wa iwa jia chah beh ki manbei ka thaaiñ War Jaiñtia kiwa chongdai dukan hajan ka Integreted Check Post (ICP) wa em ha Tamabil Dawki, hei yahkhmat u Jambok Lanong, President WJSU wa u Shlur Mukhim, President FKJGP War Jaiñtia Circle da chim ki ka rai wow dawa kyrriah noh ya u Manager ka Integreted Check Post hapoh ka 15 sngi itæ toh nadooh ka dep bibar yong ka 23 tarik hadooh ka 7 tarik u bnai wow wan.

Hadien i yachem yumut ong ki, i daw wa jia ya ki manbei ka thaaiñ toh wa leh u Manager katai ka ICP.

Da ong leh wa kam u bru wa na baar da wan pynemkaam bakla u yei bor yong oo deiwa beh beiñ ya ki manbei ka thaaiñ.

Related posts

I por daw poi i wa ka Them Ïewmawlong daw kylla ko kam ka Times Square: Prestone

December 5, 2025

Pynkhle biang ka Kur Dkhar EJH ya ka 2nd Prize ka Lucky Draw | Da saam leh ya ki Prize cha kiwa da jop chwa

December 5, 2025

Ka JAC ong ko wa lym beh ya uni u bru wa chim kabu, ka thaiñ War Jaiñtia daw chem chitom ko kat nang mih ki sngi, wei ki bru na baar leh u nang yooh beiñ chooh chooh ki.

Ka seiñ da dawa ko leh ya ka sorkar wow kyrriah syndon ya uni u bru khnang yow lait na iwon iwon i eh ha ki sngi wow wan.