Ka Federation of Khasi Jaiñtia & Garo People-West Jaiñtia Hills District ynnin da pynman ko ya ka 1st Open to All Knockout Cricket Tournament 2024 ha madan Thad Nartiang, heiwa ya ka yalang wai pyrda da pynlai da u D.S. War, President FKJGP West Jaiñtia Hills District deiwa emlang u Wailadmiki Shylla, Chairman MUDA kam u kongsan uwa da wan wai ya kani ka Tournament deilang wa u Batskhem Marang, u Eveningstar Tron, MDC kam ki symbood kongsan.
Neiliang u Wailadmiki hawa e yei klam da yaroh u ya ka seiñ wa da ye ko u pynman ya kam kani ka Tournament heiwa ki khynroo kiwa na sor wa palatsor kiwa maya ya ki yalehke u yoh laad ki wow ya chimbynta yow yoh myntoi ki, wei da khana u leh wa i su ya kiwa yaleh Cricket toh kawa sy’at dooh, kamtæ toh u kheiñkor ya kani ka yalehke kam kawi na ka laad kamai.
Da ya wan sakhi lang ya kani ka sngi sdang da u Learning Tariang, Secretary ka KSU West Jaiñtia Hills wa u Treibor Suchen, Secretary ka JSU Central Body deilang u Eddie Shylla, President ka West Jaiñtia Hills District Cricket Association.
Ka yalehke sdang da pynman hapyrdi ka Megha XI pyrchah ya ka West Jaiñtia Police heiwa da jop da ka Megha XI da 102 Run kawa da kamai 257/7 katwa ka West Jaiñtia Police hawa kdong ya ka thong da yoh ko 155/10.
Ha kani ka Tournament da pdiang 32 tylli ki liang wei ya kiwa jop Final daw yoh ki Rs. 70,000 katwa kiwa rem won daw yoh ki Rs. 40,000.
Discussion about this post