Ka mukotduma PIL wa yaleh da u (L) Kynjaimon Amse pyrchah ya ka National Highway Authority of India (NHAI), da chong bichaar biang ka ynnin ka sngi da ka High Court ka Meghalaya heiwa neiliang ka NHAI da e jubab ko wa ya u sarok NH-6 uwa na Jowai cha Ratacherra uwa jrong 102.255 Km da pynchna da ar tylli ki Contractor kitæ ka M/s Purvanchal Buildtech Pvt. Ltd. wa ka M/s Dhar Construction Company heiwa u S. Panthi kam u Amicus Curiae da ong u wa hanla i kreh da lai i chakhmat tangwa ym yoo iyi iyi wa da kylla.
Neiliang u muktiar ka NHAI won da ong u wa i kreh da lai i chakhmat kamwa pynkhreh yaleh thma.
Hadien wa ka High Court da yoh ko wow pdiang ya ka Status Report ka NHAI kawa da khana yei long i man kat hadooh ka 9 tarik uni u bnai da rai wow chong bichaar biang ya ini i kaam ha u Khonchonglad (Nov).
Da phah leh ya u Amicus Curiae wa lada emkaam wow lai pait u dei khmat yeini i kreh.
Discussion about this post