3rd Division East Jaiñtia: Jop ka Wapung, Moolang wa Musniang

Ka 3^rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa chiphaw deiwa pynman le tylli ki yalehke.

Ka yalehke wa nyngkong da kut ko da 0-0 hapyrdi ka Wapung Chnong SCSC wa Tongseng Youth SSC wei da hap wow pynman da ka yachut Tie-Breaker heiwa ka Wapung Chnong da jop ko da 4-3 yow yoh u psiah cha ka Round of 16.

Ha ka yalehke wa ar, ka Iongkaluh Wahsder SC da rem ko da 2-5 ha ka Moolang SC heiwa ya ka Iongkaluh Wahsder da thap da u Fastly Dkhar ha ka minit wa 22 wa u Diophrin Dkhar ha ka minit wa 72 katwa ya ka Moolang da yoh Hat-Trick u Faster Rymbai uwa da thap ha ka minit wa 16, 67 wa 80+2 wa ki mar chi kool na u Shibunlang Dkhar ha ka minit wa 32 wa u Lambres Dkhar ha ka minit wa 63.

Ka yalehke wa le da jop da ka Musniang Rim SC da 2-1 ya ka Suchen Lumiarain SC heiwa ya ka Musniang Rim da thap da u Miki Siangshai ha ka minit wa 63 wa u Shanbormi Dkhar ha ka minit wa 79 katwa ya ka Suchen Lumiarain da thap da u Areyou Amse ha ka minit wa 55.