Pasi uwa ah lyngkhot yei metyap ka kynthai deiwa phla yeiwa leh u

U bru wa da suba wei da thooh ki pulit heiyatoh wa i tynyap ya ka Mahalakshmi ha Bengaluru heiwa da ah lyngkhot u yei doh ko dep tæ thap u ki hapoh Fridge, da pynkut u yei mynsien u deiwa pasi ha uwi u dieñ ha chnong wa em ha Bhadrak District ka Odisha ha ka 25 tarik.

Uni u bru toh uwa tip kam u Mukti Ranjan Roy wei da phla u yeini waroh ha ka chithi wa da thoh u hapoh ka Diary u chwa wow pynkut u yei mynsien u. Ha kani ka chithi da khana u wa ha ka sngi wa jia, da em i yamai u wa ka Mahalakshmi ha yung wa sah ko hadooh wa poi chei dat u ka na khlieh dei tiar hadooh wa yap ko.

ADVERTISEMENT

Ki pulit da sdang ki wow suba ya uni hadien wa chem ha ka Phone ka Mahalakshmi wa boonsien yaklam Phone ko wa uni u bru wei manda Phone ki pulit won, ka Phone u toh kawa dei tympleh.

Ha ka chithi wa da thoh u Roy, da khana u wa da tynyap u ya ka Mahalaxmi kawa maya bha u ha ka 3 tarik uni u bnai neidaw wa joor chrai u yei rukom man ko wei da ah u yei doh i pran ko 59 lyngkhot dep tæ thap u ki hapoh Fridge.

Related posts

Chah tooh i dukan ah sñiooh, paan yarap u tre yow chem ya ki tiar ki tar

July 9, 2025

Yoh kem ki pulit ya u pa nah wa slaitbor ya ka khon nah hadooh wa punkhon

July 8, 2025

Kini ki ar ngut toh kiwa kreh lang ha kawi ka dukan wa em ha ka Mall ha Bengaluru heiwa u Roy da man u kam u Manager wei da dam ki wow wan kreh nadooh ka 1 tarik uni u bnai. Ka Mahalakshmi toh kawa da em kurim tangwa ym em de yachong ko wa oo.

Kam wow pynkynmoo heini wa yei metyap ka Mahalaxmi da chem ha ka 21 tarik uni u bnai.