Kiwa boon dooh wa yap nei kjut hadien wa chah dait ksaw toh ha ka West Jaiñtia wa West Khasi Hills

Ka State Surveillance Officer on Rabies, ka Dr. Valerie Laloo da pyntip ko wa da em 27 ngut ki bru kiwa da dooh yei mynsien nei yoh Rabies ha u snem 2023-24.

Ka Dr. Laloo da ong ko wa hadooh uni u Nasaphra, da em 16 ngut kiwa da yap nei chah dait ksaw ha uni u snem.

Da khana ko wa 96% na kiwa yoh Rabies toh neiwa chah dait, tangwa hanla man i kjut wa ye u sumaar, i leh stiñ ki bru wa chah dait ksaw dei wym lai ki cha ki thaw sumaar yow yoh yei yarap da poi chei yap.

Chooh chooh da khana ko wa ha u snem 2023, da em 11 ngut kiwa yap, katwa ha uni u snem 2024 da em 16 ngut kiwa yap nei chah dait ha ki ksaw wa cha sarok. Ka Dr. Laloo da khana ko wa na ini wa jia, ka West Khasi Hills wa West Jaiñtia Hills toh ki District wa em wa yap hadooh 6 ngut wei kini ki Ditrict toh kiwa boon tam kiwa yap nei kjut Rabies.

Related posts

Daw pynman biang ya ka e sikai thaiñ Crochet & Knitting

May 12, 2025

Khut ka sorkar Meghalaya ya kiwa yaleh CUET UG 2025 kiwa yoh Centre cha baar wow pyndap ya ka Online Form

May 12, 2025

Da pyntip ko leh wa ka chnat i chait i khiah da chim ko wow pynsñiawthooh paidbah hajrong i kjut Rabies ha waroh kawi ka jylla.

Heijooh i por neiliang ka Doctor da kyntu ko ya ki paidbah wym toh u kheiñstiñ manda chah dait ha ki ksaw, wei lada wa chah dait ha ki khon ksaw toh u lai smat cha ki thaw sumaar yow yoh u e dawai kiwa em ha waroh ki PHC hapoh ka jylla.

Hawa kylli hajrong iyi wa da leh yow yada nei chah dait ksaw, da ong ko wa ka chnat ya krehlang ko wa ka chnat Animal Husbandry & Veterinary, kamjooh wa ka Shillong Municipal Board wow e dawai ya ki ksaw sarok.

Ka Dr. Laloo da pyntip ko leh wa du ha u snem 2023 palat 600 tylli ki ksaw sarok da ye wow e dawai du ha East Khasi Hills.