Yarap ka Supreme Court ya uwi wow yoh lai puræ ha IIT

Ka Supreme Court ka ri India ha kani ka kynti da pynemkaam ko yei bor yong ka wow pynmankaam ya i angnood uwi wow puræ ha IIT uwa man kam u Dalit uwa da pyndep ya ka Entrance Exam tangwa ym ye u wow su ya ka bai Admission heipor wa biang neidaw wa ban ka dooh.

Ka SC da pynemkaam ko ya ka Article 142 wow yarap ya u Atul Kumar, u khon yong uwa khih mylla wow yoh u puræ ha IIT Dhanbad deiwa ong wa ymtoh wow pynsepai yei sap wa em u.

U Atul hadien wa pyndep u ya ka Entrance Exam emkaam wow su u Rs 17,500 ka bai Admission tangwa neidaw wa wan u na ka manyung wa dooh ym ye u wow su ya ka poisa hapoh soo sngi wa da booh wei da chah kyntait u ha ka Indian Institute of Technology, Dhanbad kawa jooh tip leh kam ka ISM Dhanbad wei ini da pynbor i ya oo wow lai cha ki yung bichaar.

Ya kani ka poisa da ye u wow pynmih deiwa paan kynchew na ki para chong chnong wa em ha Uttar Pradesh tangwa kat u lai su u, da kut noh i por wow leh ya ka Online Payment ha ka 24-06-24.

Related posts

Ym burom ka Pakistan ya ka Cease Fire deiwa pteiñ hi yei jooh

May 10, 2025

Da ka that chah ieh hapoh doh ka manbei wa wan kha khon ha MCH Jowai

May 10, 2025

Kamwa le bnai u Atul wa pa u da lai paan yarap ki na ka SC-ST Commission wa ka Madras High Court wei khaddooh da lai ki cha ka Supreme Court.

Neiliang u Chief Justice DY Chandrachud, da ong u wa ym ye wow pynsepai ya i sap wa em uni u khynroo uwa da lai cha Jharkhand Legal Services Authority neitæ cha Chennai Legal Services Authority wa ka High Court tangwa katwa man u u khynnah Dalit da phah ya oo neiwi i thaw cheiwon tawon. 

Ha ka hukum wa da pynmih da phah ya ka IIT Dhanbad wow e Admission ya oo wei wow em u ha ka jooh ka Batch katkam wa toh u lai puræ u. 

Deiwa pynemkaam ya ka Article 142 wow yarap ya u Atul uwa na Muzaffarnagar ka jylla Uttar Pradesh da ye u wow yoh Admission ha ka Electrical Engineering. 

Ka Article 142 e bor ko ya ka Supreme Court wow e yei hok ki bru katkam wa toh u yoh ki.