Hadien wa jan dap 48 kynta lait ka sahkut kari ha Mookyndur

Hadien wa jan dap 48 kynta, i sahkut kari ha Mookyndur da ye wow pynlait ki ynne i janmiet wei da yoh ki kari wow lai kamjooh hi khlem da pynthut.

Ini i sahkut kari toh iwa da sdang nadooh i miet ka 3 tarik hadien wa sih ar tylli ki Truck wa khia ha laad wa dong bha ha Mookyndur wei da chem chitom u taan ki wei wow yoh tiar u pynchna ki.

I sahkut kari da man i iwa jrong bha hadooh wa poi chadooh Puriang wa chadooh cha Ummulong leh heipor wa joor bha i sahkut wei ym em yarap yeini waroh hadien wa em sa kawi ka Truck wa sih wei da hiar leh u slap uwa joor.

Ha ini i por wa sahkut ki kari, da em leh ki paidbah wa mut u lai Shillong kiwa da hap wow liwan cha yung, wei neiliang ki pulit da phah ki ya ki paidbah wow lai ki na u sarok Nartiang-Bamkamar yow mih cha Bhoirymbong.