Hadien wa da pyndep ya waroh ki yalehke Quarter Final ka Meghalaya Youth League 2024. Ka West Jaiñtia District Sports Association, Shillong Sports Association, Nongstoin District Sports Association wa Ri-Bhoi District Sports Association da yoh ki wow psiah Semi ha ka U-14 wa U-16.
Ki yalehke U-14 Quarter Final toh kiwa da pynman ha madan ka MFA ha Polo, katwa ki yalehke U-16 won da pynman ha madan ka Sports Authority of India Centre wa em ha NEHU.
Ki yalehke Quarter Final toh kiwa da pynman ha ka 5 tarik wa ynne ka sngi.
Ka West Jaintia da jop ko ya ka Pyndengumiong District Sports Association da 5-4 ha ka U-14 deiwa yachut Tie-Breaker hadien wa kut ka yalehke da 2-2 wot hadien ka Extra Time.
Ha ka U-16 won, ka West Jaiñtia da jop suk ko da 5-0 ya ka Pyndengumiong deiwa yoh Hat-Trick u Dangkermi-Oo Ryngkhlem.
Ki yalehke Semi Final daw pynman ha kani ka 9 tarik ha madan Polo heiwa ha ka U-14 ka West Jaiñtia daw yachem ko ya ka Ri-Bhoi heipor 10:30 i step wei daw pynbood da ka Ri-Bhoi wa Nongstoin heipor 1:00 waje i sngi.
Ya ka U-16 daw pynman ha madan ka SAI heiwa ka West Jaiñtia daw yachem ko waka Shillong heipor 10:00 waje i step katwa ka Ri-Bhoi daw yachem ko waka Nongstoin heipor 12:30 i step.
Ki Final won daw pynman ha ka 11 tarik.
U-14 Meghalaya Youth League Quarterfinal Results:
Tura District Football Association 0 – 15 Shillong Sports Association
West Jaintia District Sports Association 2(5) – 2(4) Pyndengumiong District Sports Association
Ri-Bhoi District Sports Association 6 – 0 North Garo Hills District Sports Association
Nongstoin District Sports Association 3 – 2 (AET) Amlarem Block Sports Association
U-16 Meghalaya Youth League quarterfinal results:
Williamnagar District Sports Association 0 – 2 Shillong Sports Association
West Jaintia District Sports Association 5 – 0 Pyndengumiong District Sports Association
Ri-Bhoi District Sports Association 5 – 2 North Garo Hills District Sports Association
Nongstoin District Sports Association 3 – 1 Amlarem Block Sports Association
Discussion about this post