Ka Public Hearing wa da pynman da ka Meghalaya State Pollution Control Board ynnin ha Brichyrnot, East Jaiñtia Hills neibynta wow pynheh ka Star Cement yei thaw tih moochuni wa tip kam ka “Brichyrnot Limestone Deposit-II” da 65 Hectare da man ko kawa lai bait khlem iwon iwon i thut.
Ha kani ka Public Hearing waroh da e ki yei kyrchaan lait noh ka seiñ KSU Narpuh Circle wa ka Bythygrace Dkhar kiwa da pynsñiaw yei pyrchah heiwa neiliang u President ka KSU Narpuh Circle, u K. Suchiang da ong u wa da pyrchah hajrong ka yurim wa ini i pynheh yei thaw tih moochuni ym dam de i wow ktah chooh chooh ya ka Wah Lunar deilang ka Wah Lukha, ki doh um, ki sim deilang ki mrad ki mreng iwa da yoo pyn na katni.
Kiwi kiwa da klam kiwa da em kamwa 30 ngut won da pynsñiaw ki yei kyrchaan yeini wa kwah ka Star Cement.
Kiwa kyrchaan kynthup ki leh nadooh u Waheh Chnong ka Brichyrnot, u Waheh Chnong ka Dienshynrum, u Waheh Chnong ka Pyrtakuna neitæ u Asst. Waheh Chnong ka Lumshong, u Secretary ka Elaka Narpuh, u MDC warim wa kiwi kiwi de.
Kiwa kyrchaan da kyntu ki leh ya ka sorkar wow lai ko chakhmat wow e bor ya ka Star Cement yow leh yeini.
Discussion about this post