Ym pdiang ka HYC ya ka Report wa pynkulmar ki dkhot hapoh Police Station, dawa bait wow pynchitom ya u Sub-Inspector

Ka Hynniewtrep Youth Council (HYC) da klam che ko hakhmat ka Meghalaya Human Rights Commission wa daw lai bait ko chakhmat wow ujor pyrchah ya u SI ka Pynursla Police Station, u George Dkhar hajrong i chah dat ki dkhot ka seiñ ha ka 24-02-24.

U Roykupar Synrem uwa man u President ka HYC, da ong u wa ka seiñ ym pdiang ko ya ka Report wa da leh da u SDPO ka Pynursla Sub Division, u KN Sangma heiwa ka Report da pynbaad kylla pathan ya ki dkhot ka seiñ wa lai pynkulmar hapoh Police Station, wei da kyntu u leh ya ka MHRC wym toh u pdiang ya katai ka Report, wei toh u lai chakhmat wa ka Case pyrchah ya u George Dkhar.

Related posts

Hapoh ka 10 tarik e por u SP wow pyndam yeiwa da pynkylla dur ya ki kari | Daw kem ya kiwa pyrchah

September 26, 2026

Ha ka Military Cemetery wa em ha Europe chem yei thaw tlep ya kiwa na Garo kiwa yap ha ka World War-I

September 25, 2026

U Roykupar da khana chooh chooh wa katai ka Report takit wa da e kti da u SDPO, man bait ko wow yada ya u George Dkhar, wei neiliang ka seiñ da phah ko dei thoh cha ka Commission wym ye ko u pdiang ya ka Report kawa da pynbaad ya ki dkhot ka HYC, heiwa ka Report da kdaw ko leh wa ka CCTV kawa em ha Police Station toh kawa pleh iwa da pynphylla ya ka seiñ kammon ka CCTV u pleh ko heipor wa chah dat ki dkhot ka seiñ.

Katkam wa khana ki dkhot ka seiñ, ka HYC, ha ka 24 tarik u Thohlakhmi (Feb), ki dkhot ka HYC Riwar Mihngi Circle hapoh i yahkhmat u Lamphrang Khonglam, da yoh ki wow ksoh ya ar tylli ki kari wa mut khayi pyrchah aiñ cha Bangladesh, tangwa hawa lai yah ya ki kari cha Police Station yow chimkti ka aiñ, u George Dkhar uwa man u SI ha katai ka miet da bom da dat u wot da u lathi ya ki dkhot ka HYC wei da thap hapoh patok ryngkat i maham, i pynsmiej hadooh wa wanrah leh yei mynsoo.