Chah thaap u MLA ka BJP ha u muktiar hakhmat ki pulit

U MLA ka BJP, u Yogesh Verma, ynne da chah thaap chah dat u ha Lakhimpur, Uttar Pradesh ha u President ka Bar Association, u Avdhesh Singh wei da wan leh kiwa kyrchaan ya u Singh kiwa da khyrrup ya u MLA tangwa ki pulit wa em da ye ki wow pynran.

Ini da jia i heipor wa pynkhreh ya ka Election ka Urban Cooperative Bank Management Committee.

I kynaad da sdang i hadien wa mih ka chithi na u District BJP President, u Sunil Singh wa u MLA kiwa da kyrpaad wow pynslem ya ka Election. Neiliang u Additional District Magistrate (ADM), u Sanjay Singh da pyntikna u wa ka Election u man ko katkam wa da booh ha ka 14 tarik uni u bnai wei ya ki Vote leh u ñiaw ha ka jooh ka sngi.

Related posts

Leh chiliang ka sorkar deiwa pynku ya ki kaam uiñke suwari ha Khasi Hills donhi katwa ka Jaintia Hills wa Garo Hills ym yoh bhah ki

November 4, 2025

Em ki bru wa da pynkhreh 5-6 bnai yow wan cha ka Umngot, sñiawkhia u Lahkmen yei ktieh ka wah

November 4, 2025

Ini i awri da jia i ha Office ka Cooperative Bank heiwa ki ar liang wa yahkhmat da ka Pushpa Singh (ka kurim uwa thaap ya u MLA) wa u Chairperson warim u Manoj Agrawal dang pynkhreh ki wow lai thap ya ki Nomination Paper ka Election.

Da ong wa u MLA da pynbaad u ya ki muktiar wa da pynjæd ki ya ki Nomination Paper u Raju Agrawal u kyrtong wa kyrchaan u Manoj Agrawal iwa da pynpoi cheini i yachoh yadat.