Shillong: U Prof. David Syiemlieh da thung ya oo kam u Chairman wa thymme ka Union Public Service Commission (UPSC) wei daw chim kti u yeini i kaam nadooh ka 4 tarik uni u bnai.
U Prof. David Syiemlieh chwa wow man u kam u Chairman ka UPSC da man u kam u dkhot ka UPSC nadooh u snem 2012. Jooh man u leh kam u Pro-Vice Chancellor ka NEHU kamjooh leh u Professor ka History ha NEHU wei jooh sikai u leh ha St. Edmunds School, Shillong.
U Prof. Syiemlieh leh toh uwa da dep thoh ya kiwa boon tylli ki kot chaphang ka thaiñ North East India wei da man u leh uwa chem tre ya ka sngi yap wei yeiwa jia ya u Tirot Sing ha ki sngi khaddooh yong oo.
Da jooh man u leh kam u Honorary Director ka Indian Council for Social Science Research, North Eastern Regional Centre, Shillong ; da jooh man u leh kam u dkhot ka Indian Council of Historical Research, New Delhi, Indian Council for Social Science Research, New Delhi. U President ka India da thung u leh ya u Prof. David R. Syiemlieh kam u Vice-Chancellor ka Rajiv Gandhi University wei da chimkti u yeini i kaam ha ka 5 Naichiphaw 2011.
Kam u Chairman ka UPSC won daw ksoh u yeini i kyrdan hadooh ka 21 Duyatra (January) 2018.
Discussion about this post