Rai ka SC wa ka Section 6A ka Citizenship Act man ko katkam ka riti synchaar ka ri

Ka Bench yong ka Supreme Court wa chong bichaar da ki san ngut ki Judge hapoh i yahkhmat u CJI, u DY Chandrachud ynne da pdiang ko ya ka Section 6A yong ka Citizenship Act, 1955 wa man ko katkam ka riti synchaar ka ri wei ini mut wow pynman tre ri ya kiwa psiah cha Assam hadooh ka 24-03-1971.

Kani ka kyndon 6A da pynpsiah ha u 1985 hadien wa soi ya ka Assam Accord hapyrdi ka sorkar u Rajiv Gandhi waka All Assam Students’ Union (AASU) hadien i yakhih wa 6 snem wow pyrchah ya i psiah tooh ki bru na Bangladesh cha Assam.

Ka Constitution Bench wa khlieh da u Chief Justice of India (CJI), u DY Chandrachud da chong bichaar ko soo sien nadooh ka 5 tarik u Kmaichonglad (Dec) hadooh 21 Kmaichonglad 2023 heiwa ynne da pynmih ko ya ka rai.

Ka Assam nadooh nachwa jooh chem chitom ko wa i psiah tooh ki bru na East Pakistan/Bangladesh wei katkam ka Clause 5 yong ka Assam Accord da booh ko ya ka 01-01-1966 wow man ka tarik wow kyntait ya ki bru kiwa psiah cha Assam tangwa da em leh ka ka kyndon wa chah u man tre ri ya kiwa wan chapoh Assam hadooh ka 24-03-1971.

Related posts

Khang ka India wow wanrah ya ki that, ki marbaam wa kiwi de na Bangladesh lyngba ka Meghalaya

May 18, 2025

Dawa ka CoMSO wow pynman yei takit yei yap kawa na Meghalaya ha Manipur

May 18, 2025

Ka Section 6A toh kawa da thap hapoh ka CAA yow booh kyndon ya ki bru wa man kam ki nong India kiwa psiah chapoh ka Assam chwa ka 01-01-1966 tangwa kitu kiwa psiah hadien kani ka tarik wei hadooh ka 24-03-1971 kiwa da kheiñ kam ki Foreigner da e laad wow Register ki ya idæ katkam ki kyndon ka aiñ ka sorkar pyrdi.

Kiwa psiah won hadien ka 24-03-1971 da kheiñ ya ki kam ki baar ri kiwa em hapoh ka ri pyrchah ya ka aiñ.