Da kylliang ya u mot ka Lady Justice, ym em de u tymmoh ya ki khmat wei da wiar noh ka wait

Ka Supreme Court ka ri India ynne da wai paidbah ko ya u mot wa thymme ka ‘Lady Justice’ deiwa pynkylla ya ki kattu katni ki bynta.

Ini i pynkylla toh yow pynyoo yei khlan wei khooid ka rukom bichaar ha ki yung bichaar hapoh ka ri wei da booh ya uni u mot ha Judges’ Library ka Supreme Court.

I yoh ya uni u mot wa thymme ka Lady Justice man i i dak heh wa lait nei chah khoom ha ki chaap ki dohlieh wei wan i du kattu katni bnai hadien wa pynthymme ya ka aiñ Bharatiya Nyaya Sanhita.

Ini i pynkylla toh katkam wa phah u Chief Justice of India, u DY Chandrachud.

Related posts

Chah kem ar ngut kiwa klam khlemakor wei jrong-kti ya ki khynnah skur

April 20, 2026

Tympiah u chipai Israel yei khlieh u mot u Jisu

April 20, 2026

Uni u mot wa thymme ym em de u em i chah kdoh chah tymmoh ki khmat iwa pynyoo wa ym em i ñiaw chiliang wei ym em thlah ka aiñ wei man salonsar ko ya waroh.

Ka wait wa jooh ksoh ha kti leh da kylliang da ka kot neibhah ka wait pynyoo ko ya i awri awra katwa ka ka kot won pynyoo ko wa ki aiñ man ki katkam ka riti synchaar ka ri. 

Ki pyrla wa jooh em ha ka kti timun dang neh ki kamjooh iwa pynyoo wa daw ap ya ki ñia yong ki ar liang salonsar chwa wow chim rai.