Ka Lathuthiñ Festival 2024 kawa da sdang ynnin ka sngi ka 18 tarik ha Tuber Shohshrieh, da pynman deilang ka yakob miat kynthai wa tip kam ka Miss Latuthiñ 2024 wa da chibynta da 11 ngut na kylleiñ ki chnong ka East wa West Jaiñtia Hills.
Hadien wa pyndep yei bichaar, da jied ya ka Mandakaru Tyngkan kawa na chnong Saphai kam ka Miss Lathithiñ 2024.
Yei naam 1st Runner Up da yoh da ka Ephida Ymbon kawa na chnong Shangpung katwa yei naam 2nd Runner Up da yoh da ka Hakani Phawa kawa na Tuber Kmaishnong.
Kawa jop da yoh ko leh ya ka song poisa kawa Rs. 50,000 katwa kiwa bood da yoh ki Rs. 25,000 wa Rs. 15,000.
Da saam leh ya kiwi ki naam namo ki Sub-Title kam ka Best Personality wa yoh da ka Etimon Sungoh, Best Floral Costume da yoh da ka Rimaka Dkhar, Best Rampwalk da yoh da ka Lanadakanishwa Shylla, Miss Photogenic da yoh da ka Deiwamon Ika Phawa, People’s Choice da yoh da ka Dilist Kyndait katwa yei naam Fusion Queen da yoh ka Eimideimaia Lapasam.
Kani ka Lathuthiñ Festival u pynkut ka myntu ka 19 tarik deiwa em leh ka yabob pynlang klong Plastic heiwa kiwa yoh nyngkong daw yoh ki Rs. 20,000, kiwa yoh wa ar Rs. 15,000 katwa kiwa yoh wa le won Rs. 7000.
Myntu daw em leh ka Bumper Housie kawa Rs. 2,00,000 wei ka Ticket man ko Rs. 500 chi Card katwa ki Line won man ki Rs. 5000 uwi.
Daw em leh kiwa pynwyrngia nadooh u Deiwitawan Synnah, ki Empirical Tribe, Bahun Maweriñ, DJ Zethan, Monmi777 & Johnny wa u DJ Deibormi.
Ka bai psiah cha kani ka tamasa toh Rs. 200.
Kamtæ da khut sñiawbha ya phi ki paidbah wow wan embynta heiwa daw yoh phi leh u maad ki baam tynre kamjooh ki jait dih tynre kam i Sidhiar wa kiwi kiwi de.
Discussion about this post