Yoh ka Laitkor yei jop wa nyngkong ha ka Shillong Premier League

Ynne da man ko ka sngi wow sah kynmoo ya ka Laitkor SC kawa dang yoh wot wow ku kyrdan cha ka Shillong Premier League 2024 deiwa jop ya ka Nangkiew Irat SC da 2-0 ha SSA Stadium, First Ground, Polo, Shillong. 

Ha ka yalehke wa bood won, ka Langsning FC da jop ko ya ka Nongthymmai da 3-2. 

Waroh soo tylli ki liang toh kiwa da rem ha ki yalehke wa sdang ki ya kani ka samoi wei khamtam ya ka Laitkor kawa da chah Walkover neidaw wym ye ki u pyndep ya ka Player Registration chwa wow sdang ka yalehke. 

Ya ka Laitkor da thap da u Fridison Wanniang (60’) wa u Banskhem Kharkongor (90’+1) heiwa ka Nangkiew Irat da yalehke ko da 10 ngut ki bru hadien ka minit wa 65 deiwa yoh Red Card u Ronaldkydon Lyngdoh Nonglait.

Related posts

Thung ka MFA da u Stanley Rozario kam u Head Coach yow pynkhreh ya ka National Games

September 8, 2026

Yoh Takma Rupa ka khyllood na India wa rah yei khia wa le chah ya ka

September 8, 2026

Ha ka yalehke wa bood, u Michaelson Kurbah (20’) da pyntam u ya ka Nongthymmai chwa wow su kylliang ka Langsning lyngba u Laldanmawia (40’) wei da pynbood sa kawi da u Dajiedlang Wanshnong (47’) tangwa ka Nongthymmai da yoh biang ko wow thap lyngba u Ronald Singh Shaikhom lyngba ka Penalty (61’) yow neh 2-2.

Yei jop ka Langsning da pynyoh da u John Lalrinawma uwa da thap ha ka minit wa 90+1.

Mynstep ka yalehke u man ko hapyrdi ka Rangdajied United FC waka Shillong Lajong FC heipor 2:30 wei daw pynbood da ka Ryntih FC waka Mawlai FC heipor 5:30 i janmiet.