Ym duna ya 3000 tylli ki kur ki jait wa hap pyntipmit cha ka KHADC

Ka Khasi Hills Autonomous District Council (KHADC) da yoh ko ya ka muhor u Lat ya ka KHAD (Khasi Social Custom of Lineage) Amendment Bill, 2023 kawa da man aiñ kattu, wei ini da man ko leh deiwa ye wow tipmit ya ki kur ki jait Khasi da ka aiñ.

Deiwa em kani ka aiñ, waroh ki kur kiwa em hapoh ka KHADC da hap ki wow pyntipmit noh cha ka District Council wei hap ki wow em ya ka Committee krehkaam wei hap ki wow pyntipmit leh ya kiwa kitkaam yong ka seiñ kur yow yoh yei tipmit.

“Lyngba kani ka aiñ, waroh ki Seiñ Kur Khasi hap ki wow pyntipmit ya idæ cha ka District Council”, da ong u Chief Executive Member ka KHADC, u Pynïaid Sing Syiem.

Related posts

Yoh kjut palat 50 ngut ki khynnah ka JNV Rymbai nei leh habra i pynkhreh baam ya ki

November 25, 2025

Yap ka kynthai wa haap napoh ka kari wa yah u chan ko | Dang pynman ki pulit yei takit

November 25, 2025

Da ong u wa kamwa man katni ym duna ya ka 3000 tylli ki kur ki jait Khasi kiwa em, wei i tipmit ya kini kattæ dang lai ko chakhmat wei wow puræ bniah yow rap che chooh chooh hajrong ki kur ki jait Khasi.

Hawa pynrap lang, u Deputy CEM wa pait ya ki kaam aiñ ha KHADC, u Pynshngaiñ N Syiem da ong u wa lyngba kani ka aiñ, du ki rangbah kur kiwa da tipmit da ka KHADC kiwa ye wow e Certificate Kur khnang wa i e Certificate ya kiwa tangjait wa kiwa chongkha khleh u man ko ha ka luti wa toh.