Ki Club wa chkeh dooh ka Meghalaya da pynkrheh ki wow chimbynta ha ka lympung yalehbol wa hakhlieh dooh ka jylla kawa daw sdang myntu kawa tip kam ka 4th Meghalaya State League (MSL 4).
Ka yalehke wai pyrda u pynman hapyrdi ka 7 Wasa United wa Shillong Lajong ha Wahiajer Multi Sports Complex, Wahiajer, West Jaiñtia Hills heipor 1:00 waje i sngi deiwa emlang u Deputy Chief Minister, u Sniawbhalang Dhar.
Ya kani ka Tournament da pynman da ka Meghalaya Football Association deiwa kyrchaan ka Department of Sports and Youth Affairs ka sorkar Meghalaya.
Ka Rangdajied United FC toh kawa rah yei naam Champion ynnin u snem deiwa pynrem ya ka Khliehmawlieh Youth Club.
Ha uni u snem da pynkylla yei rukom pynman deiwa em 6 tylli ki Group wa em mar soo tylli ki Team wei ha uni u snem daw pynman leh ya ka Quarter Final. Kiwa yoh nyngkong wa kiwa yoh wa ar daw psiah ki cha ka yalehke Knockout na kawi pa kawi ka Group.
Ha Wahiajer daw pynman ya ki yalehke ka Group E wei da man leh ka sien wa nyngkong wa da pynman ya ka MSL ha kani ka madan wa thymme.
Sa kawi ka thaw wa thymme ha uni u snem toh ha Tyrsad wei kiwi de ki thaw wa jooh pynman u neh ki kamjooh wa kynthup ya ka Tura, Shillong, Mawkyrwat wa Khliehriat.
Group A (Tura) – Chipakkore FC, Atong Matgrik FC, Pinggera Do’gisik FC, Lumsohkhlur S&SC
Group B (Mawkyrwat) – Mawten SC, Khliehmawlieh YC, Riangdo Youth S&CA, Sutnga SS&CC
Group C (Tyrsad) – Mawlum Tyrsad SC, Seven United SS&CC, Ladthadlaboh SC, Nangkiew Shaphrang Lumdiengngan SC
Group D (Khliehriat) – Iatyllilang Lumsehkot FC Raliang, Mulait United FC, Rangdajied United FC, Rymbai Skhenshynriah SC
Group E (Wahiajer) – 7 Wasa United S&CC, Shillong Lajong FC, Seinbhalang Shkentalang FC, Mawtari Myrdon SC
Group F (Shillong) – Mawlai SC, Seng Samla Mawmluh, Pynursla United YC, Patharkhmah SC
Discussion about this post