Ya tyrrah lang kawi ya kawi ki kari wa synraan ya u CM ka Kerala

Ki kari wa synraan ya u Chief Minister ka Kerala, u Pinarayai Vijayan da tyrrah ki kawi ya kawi hadien wa sangeh syndet ka kari wa lai nakhmat dooh iwa da jia ynnin i janmiet ha Thiruvananthapuram heiwa ka kari u CM leh da sih ko malu mala tangwa ym em mynsoo u kamjooh kiwi leh.

Ki kari wa da emlang ha ini wa lai luti u CM da em ki waroh 9 tylli wa kynthup ya kawi ka Ambulance wei kiwa ya tyrrah toh 6 tylli hadien wa ka kari wa lai nakhmat da hap sangeh ko syndet neidaw wa em kawi ka Scooty kawa dong cheiliang timun heiwa kani ka kari da lai biang ko wut chakhmat deilang ka kari wa ar tangwa ka kari wa le won da sangeh ko sbak wei da chah tyrrah ko nadien ha ka kari wa soo wei ini i jooh i rukom chah tyrrah da pteiñ i hadooh ka kari Ambulance katwa ka kari wa khaddooh da ye ko wow yait ya ini i ya tyrrah.

I thaw wa jia ini toh iwa tip kam i Vamanapuram wa em ha Thiruvananthapuram heipor wa u Vijayan dang liwan u cha ka nongbah ka jylla hadien wa wan na Kottayam.

Hadien wa jia ini, kiwa em hapoh kari da hiar ki cha lait yow lai pait ya ka kari u CM wei da hiar leh ki Nurse wa em hapoh Ambulance wei du hapoh chi minit da lai biang kini ki kari.

Related posts

Phah u DC ka West Jaiñtia wow taan ya ki kari wa pynyieñ khlem yoh bor ha rood ki NH wei wow tympra ya ki thaw baam wa kyntoor cha sarok

August 8, 2026

Da khut ya ki khon ka Raliang Constituency wow chimbynta ha ka yaphet Marathon ha ka sngi Independence Day

August 8, 2026

Ki paidbah wa yoo yeini da ong ki wa da jia ini toh neidaw wa joor pynhær kari wei da lai kini ki kari napyrdi sarok deiwa kaap ya u Line wa phiah ya u sarok.

Em won leh kiwa pynbaad ya kawa yah Scooty wa dong ko khlem da pait chwa chadien tangwa kiwa boon da ong ki wa joor hi pynhær kari tæ jia ini.