Tipmit ka sorkar ya ka khloo ka Seiñ Raij Kynrien kam ka Community Reserve

Ka sorkar Meghalaya da pyntip ko wa da tipmit yei khloo ka Seiñ Raij Kynrien, West Jaiñtia Hills yow man kam ka khloo Community Reserve ka wow tip pyrtuid kam “Ka Lum Thangbru Khloo Kynrien Community Reserve” chisiendon.

Ki dkhot ka Managing Committee kani ka Lum Thangbru Khloo Kynrien Community Reserve toh u Wanmi Dhar kam u Chairperson neitæ u Hiarmon S Manar, u Nibha Lapasam, u Davidson Sayoo wa u Kolan Shadap kam ki dkhot.

Ka Divisional Forest Officer, Jaiñtia Hills Wildlife Division, Jowai næ kiwa da thung da ka ki wym toh u em hapoh i kyrdan Forester-I u man ki kam u/ka Member Secretary. U Chairperson ka Community Reserve u man u leh kam u Honorary Wildlife Warden ka Community Reserve.

Sa kawi kawa da pynbna kam ka Community Reserve toh ka khloo chnong ka Dorbar Shnong Mawpen, Mawsynram C&RD Block, East Khasi Hills ka wow tip noh kam ka Dorbar Shnong Mawpen Community Reserve .