Jop u Dabit Dhar wa ka Lamsuk Phawa ya ka Fit India Freedom Run 5.0

Ynne i step, ka yung krehkaam u Deputy Commissioner dei yakrehlang waka yung krehkaam u District Sports Officer, West Jaiñtia Hills da pynman ki ya ka ka Fit India Freedom Run 5.0 wa National Unity Day Run heiwa ya kani ka yakob phet sarok da kaweh lama da u EMH Passah, Working President, WJDSA.

Ya kani ka yakob phet sarok da pynman ha ka thong yong ka Rashtriya Ekta Diwas iwa mut ka sngi wow e wyrta chula cha ki paidbah wa chong chnong chaphang ka yurim yong i yatylli wei yaman iwi wei chooh chooh leh man ko ka dak i leh burom ya ka lyngkhooh snem sngikha u Sardar Vallabhai Patel uwi na ki khroo pyrkhat wa saiñdur ya ka ri India wa thymme hadien i synchaar ka sorkar pharæng.

Ha uni u snem kiwa chimbynta da boon bha ki hawa nujor ha ki snem wa dadep wei chooh chooh iwa yoosuk leh u sakhi wot ki manbei na chong Sohmynting leh chongchit ki wow ya chimbynta.

Kani ka yakob phet toh kawa da sdang na madan Kiang Nangbah Stadium deiwa lai lyngba ka Ladthadlaboh tymbud u pood u ang ka dong Memory Colony, Salaroh, Dulong Pohali, Pamhadem, Panaliar, Loomiongkjam, Iongpiah, Mission Compound, Chutwakhu, Iawmusiang, Loomsooiung Newhill, Ladthadlaboh wei da pynkut won ha Kiang Nangbah Indoor Stadium.

Related posts

Ka Rymbai Skhenshynriah pyrchah ya ka Kynsai Stream Fensing ha ka Final ka Gold Cup

November 27, 2024

Super Division: Jop ka Demthring ya ka 7 Wasa, khlem wa jop hapyrdi ka Mukhla wa Lumiawmuchai

November 27, 2024

Yei naam yong kani ka yakob phet Fit India Freedom Run 5.0 wa National Unity Day Run 2024 heiliang ki chynrang da rah da u Dabit Dhar na Sabahmuswang uwa da pyndep yei phet dei por wa 31 min 52 sec neitæ bood ryngkhi u Dasaman Kyndait uwa da pyndep yei phet hapoh i por 32 min 3 sec wa u Daioohimitre Suting uwa da ye u pyndep yei phet hapoh i por 32 min 17 sec katwa heiliang ki kynthai won yei naam jop yong kani ka yakob phet da rah da ka Lamsuk Phawa kawa da pyndep yei phet hapoh i por 44 min 58 sec neitæ ka Marwa Shylla kawa da pyndep yei phet hapoh i por wa 45 min 20 sec wa ka Himonki Khaii kawa da pyndep yei phet hei por wa 45 min 39 sec.

Ya ki khusnaam cha waroh kiwa da jop ha kani ka yakob da saam da u EMH Passah, Working President WJDSA wa u Patrick Lamare, Vice-President, WJDSA iwa man da ki muhor sahkynmoo deilang ka song poisa cha waroh kiwa jop.