U Symbood Montri Rangbah ka jylla uwa pait leh ya ka chnat Transport, u Sniawbhalang Dhar da ong u wa hadien ka Election chiteiñ samoi ka Gambegre, daw em i yachem hapyrdi ka sorkar jylla waka chnat Civil Aviation yong ka sorkar pyrdi yow yaklam hajrong i pynheh noh ya ka Shillong Airport kawa em ha Umroi.
U Montri da ong u wa katwa dang yang wow pynheh ya ka Airport, ka sorkar da lai ko chakhmat yow pynyabi ya kani ka Airport wa kiwi ki sorbah kam ka Mumbai, Bengaluru wa Hyderabad, heiwa da khana u wa ya ka Tender dadep khut kattæ.
Da khana u leh wa ha u Naikhynde, ka Airport Authority of India (AAI) da yoh ko ya ka Report wa ye wow pynheh ya kani ka Airport sa 16 Acre khlem da emkaam wow mait ya ki loom.
Da khana u wa i pynheh ya kani ka thaw hiar ki lieñsuiñ toh cheiliang cheitai cha wah (South) wei da emkaam 6 Acre won i thaw neibynta wow pynyieñ ya ki lieñsuiñ, wei pyntip u leh wa neibynta ka luti hiar luti hær ki lieñsuiñ da emkaam sa 900 meter yow pynjrong neibynta wow ye u pynemkaam ki lieñsuiñ kiwa rap heh.
Discussion about this post