Heiyatoh wa i chah tynyap khiar ki soo ngut heiwa yei metyap yong ki kiwa da chah thlieh chah pam wei deiwa chah kdoh ki kti da chem hajan iwi i khloo wa em hajan ka yaaw ka chnong Umpleng, East Jaiñtia Hills ha ka 6 tarik u Naiynñiaw uni u snem, neiliang ki pulit da pyntip ki wa da lai chakhmat wow Charge Sheet ya kiwa suba emkti.
Na kini kiwa chah tynyap le ngut toh ki Nepali wa uwi uwa na East Jaiñtia Hills.
Heiyatoh wa ini, ki pulit pyn ha utai u bnai wa jia da yoh ki wow kem ya soo ngut ki bru wa da suba emkti ha ini i kaam tynyap bru, wei waroh soo ngut toh kiwa chong wa sah ha East Jaiñtia Hills heipor wa jia ini.
Hei takit ki pulit da chem ki wa da biang ki sabut heiwa da Charge Sheet leh ya waroh kini ki soo ngut heiyatoh wa ini i pynyap bru.
Ya ka Charge Sheet da leh ha ka 20-09-24.
Discussion about this post