Ka Little Flower Secondary School, Khliehriat, East Jaiñtia Hills District, ynne ka sngi da pynlait paidbah ko ya ki Ticket Lucky Draw yong ka iwa da wan wow leh da u Seibor Bamon uwa na ka chnong Lamyrsiang uwa man leh kam uwi na kiwa jooh lai puræ kani ka skur hei emlang leh ki tre skur wa ka Principal, ka S. Swer kamjooh leh chirup wa kiwa sikai nadooh ki LP ki UP wa ki Secondary School.
Kam wow wai phang, neiliang ki tre yong kani ka skur da pynsñiaw ki wa ya kani ka skur da seiñ ha u snem 1989 wei ka Fete wa nyngkong dooh wa pynman toh ha u snem 1993 dep neitæ ym em de wow pynman ya ka Fete, tæ katkam wa yah ki por ki sngi i dawa nang boon i wei heini i bynta da sñiaw toh wow pynman biang ya ka Fete neibynta wow pyndep yow chna ya ka yung Building wa dang sah yong ka skur wei wow pynthymme leh yeiwa emkaam yong ka skur katkam wa yah i por.
Ya kini ki Ticket Lucky Draw u pynkhle ha ka 08-02-25 kawa man leh ka sngi Fete kani ka skur ha madanbol (Football Playground) ka Khliehriat West hajan hi yong kani ka skur.
Neiliang u Chairman ka Fete Committee, u Hangaioophi Sukhlaiñ wa u Secretary ka Fete Committee, u Winson Swer da i mynsien wa sñiaw khian da kyrpaad ki ya phi ki lok ki jor wa maya wow sñiawbha phi u thied ya kini ki Ticket Lucky Draw wa du 20 tangka chi sla wei 200 tangka chi book kam ka dak wow kyrchaan ya ka skur khnang wow yoh ko u pyndap yei dawa yong ka skur wow chna noh ya ka Building wa dang sah wei kamjooh wow nang ye chooh ko wow chakri rap bha heiliang i stat i tip ya ki khon ki kti ki yong phi.
Ki Prize man ki kamni ha wah:
1st Prize – Epic New Swift (LXI)
2nd Prize – Yamaha Street Rally 125 (Scooty)
3rd Prize – Honda DIO STD (Scooty)
Wa 5 tylli ki Consolation Prize kiwa 5000 kawi.
Discussion about this post