Ki dkhot ka Seiñ Jaiñtia Students’ Movement (JSM)-Jowai Circle, ynne ka sngi da lai yachem ki wa ka Additional Deputy Commissioner ka West Jaiñtia Hills District, hajrong iwa chah ktah ki warep ha u slap wa u phria ha ka chnong Pynthorlangteiñ, Muphlang, Mustem wa Iongnoh heiwa da ki spah tylli ki manyung wa im nei rep i riang da chah ktah ki.
Neiliang ka JSM da kyntu ko ya ka sorkar wow e yarap khlem da pynslem cha kini ki warep kiwa chah ktah ha ini i jia khamtam iwa da jia chwa wot wow ah ya u kba wei da dooh leh wot wei symbe hadien wa da kreh chitom ki da ki bnai wow pynheh pynsan wei wow sumaar ya u kba.
Ka Additional DC da kular ko wa hapoh chi bnai u pyndep u e yarap cha ki warep kamjooh ki manyung wa chah ktah.
Ka seiñ da yooluti ko wow e ka sorkar i yarap da ka poisa, ki symbe kamjooh ki sboh wa kiwi de wa emkaam ki warep wow yoh kyrchaan.
Discussion about this post