Sa Rs. 113 klur ka bhah wa toh u yoh ka JHADC na ka sorkar jylla

Ka Dorbar Tlang yong ka JHADC da man ko ynne ka sngi heiwa u Brightstar Chyrmang da kylli u katwon ka bhah wa da yoh ka Council na ka sorkar jylla heiyatoh wa ki Major Mineral nadooh 1 tarik u Naitung 2023 hadooh 30 tarik ka Naikhynde 2024.

Hawa jubab yeini, u CEM ka Council, u Thombor Shiwat da khana u wa da yoh Rs. 86,63,70,500.

U Brightstar da kylli u leh katwon wa da yoh na ki Minor Mineral ha i jooh i por, heiwa da yoh jubab wa da yoh Rs. 29,94,82,996.

Da kylli u leh wa lada dang em namo da lut kani ka poisa, heiwa u CEM da pyntip u wa ka poisa da lut ko hei wow su ya ka tulop wa ka Arrear yong kiwa kreh hadooh u Kmaichonglad 2023.

Related posts

Wan chim yukheiñ u MLA ka Jowai yei chah ktah ki warep nei haap phria

November 7, 2024

Nadooh na Nongthymmai, Umroi, Nongpoh, Umroi wa kiwi de kiwa daw wan psiah biang cha ka Congress: Vincent Pala

November 7, 2024

Chooh chooh da kylli u wa sa katwon wa dang sah wa toh u yoh na ka sorkar jylla, katkam ka bhah ka Council.

Neiliang u Thombor da khana u wa ka poisa wa dang sah yong u snem 2023-24 na ka Major Mineral toh Rs. 32 klur, katwa yong u 2024-25 dang sah sa na ka Minor Mineral kawa Rs. 57 klur tam.

Ka poisa na ka Minor Mineral yong u snem 2023-24 wa dang sah toh Rs. 9 klur, katwa yong u 2024-25 hadooh u Naitung won toh Rs. 13 klur tam.

Da ong u leh wa ka poisa wa dang sah wa toh u yoh ka Council waroh toh Rs. 113 klur tam.