Kular u VC ka NEHU wow thung noh ya ki Pro-VC hapoh uni u bnai ha Shillong wa Tura

U Vice Chancellor (VC) ka North Eastern Hills University (NEHU), u Prof. PS Shukla da pyntip u wa daw khut yalang yong ka Executive Council yow thung takit da ka (Enquiry Committee) hapoh ka 11 tarik uni u bnai wei hadien i thooh bniah wa i takit, ka Committee daw chim ko ya ka luti.

Ini i thung ya kani ka Committee toh yow takit hajrong ki dawa kiwa lai puræ ka NEHU wow pyndam noh ya u Registrar wa ya u Deputy Registrar.

“Ka University em ko kattu katni ki kyndon deilang wa ki kyndon kiwa da booh manda em kam ini wa jia. Kam u Vice-Chancellor, i kaamram yong nga toh wow yada ya kitæ ki kyndon wei wow leh katkam wa phah da ki kyndon yong ka riti synchaar. Wei neibynta ini daw khut da ka yalang ka Executive Council,” da ong u VC.

U Vice-Chancellor da pyntip u leh wa hapoh ka 30 tarik uni u bna, daw thung noh ya ki Pro-Vice-Chancellor neibynta ka NEHU Shillong wa Tura Campus.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

“Nga kyrpaad wei kyntu O ya phi wow pyndam noh yei yakhih khnang wa i long i man kamwa jooh u wan uiñ biang i hapoh ka University,” da ong u VC lyngba ka chithi cha u President ka NEHU Student Union.

Kam wow kdaw heini wa nadooh i miet ka 5 tarik, ka chnat ka KSU ha NEHU deilang ka NEHUSU da sdang ki da ka yakhih deiwa chah thngan ha pchem ka NEHU yow pynkrehkaam yei dawa yong ki.