Rs. 4 lak pynlut ka manyung wow tlep burom ya ka kari kawa da yarap u pynhoi khih pynhoi khan

Em ki por, ki tiar ki tar embynta bha ki wa ki bru wa pynemkaam ki hadooh wa i maya wei i kynmoo ya ki neh yanom i, wei i nongmuna ya ini da jia ya kawi ka kari wa thied 12 snem nachwa ha Gujarat heiwa ka manyung ym la nood ki wow dai noh ka hanla da rim ko leh.

Kamtæ kani ka manyung da rai ko wow tlep ya kani ka kari yong ki heiwa ka bai tlep leh da kynjoh i Rs 4. lak, wei da wan sakhi yeini da ki 1500 ngut.

Ini da jia i ha Amreli District ka Gujarat heiwa da tlep ya ka kari ha i kpær u tre kari wei da wan chimbynta da kiwa heh niam.

Kani ka kari toh ka Wagon R heiwa wei da tlep ya ka 15 phut chapoh deiwa pynlai ka lyngba ka luti wa chariñ.

Related posts

Kyntu u MDC ka War Central ya ka SDO wym toh u tieñ u leh yeiwa bha u pynkhooid ya ka luti Krangsuri

October 6, 2025

Da khut sñiawbha cha ka Food Fest cum Sale of Work ka Jingiaseng Kynthei K.J.P. Synod Mihngi

October 6, 2025

U Sanjay Polara uwa man u tre kani ka kari da ong u wa kani ka kari da pyn-eh-bok ko ya oo wei da pynmahajon ko ya oo wa ka yung ha i khih i kreh yong ki.

Da ong u wa da thied u ya ka kari 12 snem nachwa wei da pynjop ko ya oo ha i khih i kreh wei da yoh burom leh ka yung u, wei heithaw wow dai ya ka kari da tlep noh ya ka pyn ha kpær yung. 

Ya kani ka kari da pynriam da ki syntu chwa wow tlep ya ka.