Ka yung krehkaam u Deputy Commissioner, East Jaiñtia Hills District deiwa ya krehlang waka Meghalaya State Pollution Control Board (MSPCB), ha ka 11 tarik uni u bnai da pynman ko ya ka Workshop yow pyndooh jait noh ya ki Plastic wa pynemkaam chisien donhi namo ka Elimination of Identified Single Use Plastics (SUP) ha Conference Hall u Deputy Commissioner ha Khliehriat.
Kani ka Workshop da pynman yow pynsñiawthooh chaphang ki Plastic wei da pynman ka ar bynta heiwa ka nyngkong toh neibynta ki heh sorkar katwa kawa ar won neibynta ki heh ki chnong, ki tre ki thaw baam, ki tre dukan ka East Jaiñtia Hills District.
Ha kani ka Workshop da wan wow embynta da ka J.U. Kharpuri, Additional Deputy Commissioner & Project Director, District Rural Development Agency (DRDA), East Jaiñtia Hills District, u Gautam Warjri, Assistant Commissioner, East Jaiñtia Hills District, ka F. Wann, Environmental Engineer, Meghalaya State Pollution Control Board (MSPCB), Shillong, u Y.F. Laloo, Assistant Environmental Engineer, Meghalaya State Pollution Control Board (MSPCB), Shillong, ka R.R Marak wa kiwi kiwi de.
Neiliang ki bru ka Meghalaya State Pollution Control Board (MSPCB) da batai ki chaphang ki jait Plastic wa boon jait wa kyntup ya kiwa da khang wow pynemkaam kiwa tip kam ki Petro Based Plastic Carry Bags kiwa stang hapoh 120 Microns, ki Non-woven Plastic Carry Bags kiwa stang hapoh 60 GSM, ki Plastic Sheet ki wym toh kiwa man kam chibynta wa song ya ki mar, ki Plastic Sheet kiwa pynemkaam yow song (Cling Film/Stretch Film) kiwa duna 50 Micron i rben kiwa man kam kiwa pynthut yei pynemkaam ya ki mar neitæ ki siang, ki proh, ki khuri, ki Straw wa kiwi de kiwa da chna da ki Plastic.
Ha kani ka Workskhop da yaklam leh chaphang i bahkhlieh ki paidbah kamjooh kiwa pynmih Plastic deilang ki aiñ kam ka Plastic Waste Management Rules wa kiwi de.
Discussion about this post