Ha ka sngi pynkut ya ka Shad Nongkrem wan e kti u Lat ya ka aiñ Hima Khyrim Act, 2024

Ka Hima Khyrim ynne ka sngi da pynkut noh ko ya ka lehniam wa ka Shad Nongkrem kawa jooh pynman man-u-snem ha yung chaad wa em ha Smit.

Ha kani ka sngi da sakhi i wan tooid ki hajar ngut ki chynrang kynsai wa ki kynthai wow chimbynta ryngkat i riam, i chaad wa ka put ka tem tynre wow pynphooh pynphieñ ya kani ka sngi pynkut.

Ka Shad Nongkrem ha uni u snem da man ko ka wow sahkynmoo ya ka Hima Khyrim heiwa da yoh ya ka aiñ kawa tip da ka Hima Khyrim Act, 2024 kawa da yoh ya ka muhor u Lat ka jylla, u CH Vijayashankar uwa da emlang wow pynlait paidbah leh ya kani ka aiñ ha yung chaad yong ka Hima Khyriem. Hadien wa da pynlait paidbah, u Lat ka jylla da e kti noh u ya kani ka aiñ ha u Pa’iem Dr. Balajied Sing Syiem.

U Lat ka jylla da e muhor u ya kani ka aiñ hadien wa ka Khasi Hills Autonomous District Council (KHADC) dadep mynjur ko ya ka Bill ha ka 12 tarik u Wisu (Mar) uni u snem, wei ha ka 11 tarik uni u bnai da pynbna ha ka Meghalaya Gazette wa da pynman aiñ ya ka.

Related posts

Da pynthymme ya kiwa kitkaam ka Khyrdoh Kur Passah

November 11, 2024

Daw pynman ya ka yalang paidbah ka Kur Bhoi West Jaiñtia Hills District

November 4, 2024

Ha kani ka sngi da sakhi lang leh ya ka lehniam da u Symbood Montri Rangbah ka jylla, u Sniawbhalang Dhar, u Chief Justice ka Meghalaya High Court, u Justice Indra Prasanna Mukerji, u Montri ka chnat Arts and Culture, u Paul Lyngdoh, u Chief Executive Member ka KHADC, u Pynïaid Sing Syiem, u Symbood CEM, u Pynshngaiñ N Syiem, najrong ki MLA, MDC, ki Bakhraw, ki Lyngdoh wa kiwi kiwi.