Ka Directorate of Sports and Youth Affairs ka sorkar Meghalaya deiwa ya krehlang wa ka SCSTE wa ka NEHRU YUVA KENDRA SANGATHAN (NYKS) Meghalaya, da pynman ki ya ka State-Level Science Mela ha North Eastern Hill University (NEHU) hajrong ka phang wa ong “Innovation in Science and Technology” nadooh ka 4 hadooh ka 7 tarik uni u bnai kawa man leh kam chibynta ka 2024 Youth Festival, heiwa da sdang chwa ki Science Exhibition na ki 12 tylli ki District ka jylla.
Na kawi pa kawi won ka District da phah ki 4-5 tylli ki Science Exhibit wei kiwa jop won da chibynta ki yow yaleh yei naam jop ha waroh kawi ka jylla wei da yabhah ya ka yakob da i yong samen (Individual) wa deiwa chimbynta lang (Group) heiwa waroh da em 9 tylli ki Exhibit yong samen wa 10 tylli won kiwa dei yonglang.
Ha ka Group Category, ka West Garo Hills da yoh nyngkong ko, ka Ri-Bhoi hei wa ar katwa ka East Garo Hills won da yoh wa le ko.
Ha ka Individual Category, ka Ri-Bhoi District da yoh nyngkong ko, ka East Jaiñtia Hills hei wa ar katwa ka West Jaiñtia Hills won da yoh wa le ko.
Kiwa jop ya kani ka State Level Science Mela daw mihkhmat ki ya ka Meghalaya ha ka National Level kam chibynta ka National Youth Festival 2025.
Discussion about this post