Da e por biang ya ki Regional Committee hadooh wa kut u snem wow phah ya ki Report pynbait pood

Ka Home (Political) Department, ka sorkar Meghalaya ha ka 13 tarik uni u bnai da pynbna ko wa da e por biang ya ki le tylli ki Regional Committee wow wan e ki ya ka Report.

Ini i e por thymme toh hadooh ka 31-12-24.

Hachwa ini da e por hadooh ka 30-09-24 ya kini ki Regional Committee kiwa da thung yow lai thooh bniah yow pynbait ya u pood yong ki 6 tylli ki thaw wa ya kajia pood waka Assam kam chibynta ka Phase-II.

Ki 6 tylli ki thaw wa em i ya kajia pood toh ka Langpih ha West Khasi Hills District; ka Borduar, ka Nongwah-Mawtamur, ka Deshdoomreah, ka Block-II kiwa em ha Ri-Bhoi District; wa ka Block- I, Psiar-Khanduli kiwa em ha West Jaiñtia Hills District.

Related posts

Sangeh noh yei e License cha kiwa na baar, dawa ka CoMSO na u CEM

May 9, 2025

Dang du 2 Km donhi wa dadep kær ya ki thaw khappood ka Amlarem Constituency: Lahkmen

May 9, 2025