La ar snem ym pu em krehkaam ki nalla wow yada ya ka wah Myntdu

Ka Khooid Ya Ka Wah Myntdu ha i yakhun wow yada, u pynneh pynbha wei pynyoosuk ya ka wah Myntdu kawa psa ya ki lak ngut ki mynsien wa im wa sah ha talawiar yong ka, ynne ka sngi hapoh i yahkhmat u President, u Khroo L Pariat wa kiwi ki waheh da lai sylli ki yei krehkaam ki In-Situ Nallah næ ki Wah Dooid wa da chna kyrpang wow pynkhooid ya ka um jakhlia wa wan na ki manyung chwa wow kai ki cha wah Myntdu.

Ya kini ki In Situ Nallah da chna nadooh u 2022 da ka chnat Urban Affairs wa ka Jowai Municipal Board ha ki 11 tylli ki liar wa tooid cha wah Myntdu ha sor Jowai.

Ha ini i lai sylli da emlang u H. Passah, Executive Engineer ka JMB heiwa da kyrpaad ya ka sorkar wow chna smat ya kini ki nalla kiwa da sah khlem krehkaam la ar snem wei wow pynkrehkaam pura ya ki ha kini ki bnai wow wan.

Neiliang ka Khooid Ya Wah Myntdu ym kwah ko wow yoo wa kini ki kreh wow pynim ya ki mynsien u man ki kam ka jaar khlem krehkaam wei lada ka sorkar kreh hok hok ko ya ini, kiwa chong chnong u yoh ki ya ka um wa khooid na ka wah Myntdu wa da saam da ka chnat PHE Jowai.

Related posts

Thung ka Ministry of Education da ka Committtee deiwa e por 15 sngi wow pyndep yei takit yei long i man ha NEHU

November 14, 2024

Da ki Certificate wa ki tiar chna kchu khyndaw yoh ki 20 ngut ki manbei ka chnong Tyrshang

November 14, 2024

Ka seiñ da chem ko wa kini ki nalla daw ye ki wow khang yei tooid ki jri, ka um jakhlia wa mih na yung, ki yaaw ha Jowai cha ka wah Myntdu.

Ha kani ka sngi da lai pait leh ya i thaw pynemkaam ka JMB wow kylliang kari kit jhep na kiwa khian cha kiwa heh ha Jowai heiwa da kyrpaad ya ka CEO ka JMB lyngba u EE wow pynkhooid wut-wut ya i jhep wa haap na ki Truck ha madan khnang wow lait u sma u tung kamjooh wow lait i jakhlia u tooid cha ki hali wa ka wah Myntdu.

Heijooh i por ka seiñ da kyrpaad ko ya kiwa chong chnong wa ki waheh chnong wa em ha tymbud ka wah Myntdu wow sñiawbha u krehlang ha ini i yakhun yong ka seiñ.