Ha iwi i jai wa leh khaler, kawi ka Private Hospital ha Greater Noida, Uttar Pradesh da chah sumaar ka khmat timun u khynnah wa dang 7 snem heithaw wow sumaar ya ka khmat tidiang.
U pa uni u khynnah, u Nitin Bhati da khana u wa hadien wa joo umkhmat bait ka khmat tidiang uni u khynnah da yah ki oo cha Ananda Spectrum Hospital ha ka 12 tarik uni u bnai.
Manda poi ha Hospital da paan ki Rs. 45,000 wow sumaar ya kani ka khmat u khynnah neibhah em wa psiah ha ka. Manda dep sumaar da liwan ki cha yung wei heitæ yoo ka bei u wa da sumaar ki oo na ka khmat ka wymtoh.
Hadien ini da ujor ki pyrchah ya u Dr. Anand Verma uwa da bakla sumaar ya ka khmat uni u khnynnah.
Hapyrdi i awri wei em ki pulit, u Dr. Verma da ong u “Mujhse bas right-left mein galti ho gayi. Bas yahi meri ek samasya hai” iwa mut wa bakla u du wow pynyaphær ya ka tidiang na ka timun wei da bahkhlieh u yeini.
U Dr. Verma da pynrap u leh deiwa ong wa daw chait u khynnah du hapoh san sngi donhi.
Discussion about this post