Rah ka Chutwakhu ya ka 12th Chatister Kharkongor Memorial Trophy

Ka lympung yalehke 12^th Chatister Kharkongor Memorial Trophy kawa man leh ka 1^st Division Football Tournament 2024 wa pynman da ka West Jaiñtia District Sports Association ynne da poi ko chawa kut da ka yakhun Final ha Kiang Nangbah Stadium, Jowai.

Ka yalehke Final da man ko hapyrdi ka Chutwakhu wa ka Mooknor Thadmuthlong heiwa ka Chutwakhu da jop ko da 3-1.

Ya ki kool ka Chutwakhu da thap da u Luckyness Khyriem ha minit wa 65 (Penalty), u Gladio Susngi ha ka minit wa 82 wa na u Faithful Bthuh ha ka minit wa 90 katwa ya ka kool ka Mooknor Thadmuthlong won da thap da u Rimiki Suchiang ha ka minit wa 85 (Penalty).

Ya i naam Top Scorer da yoh da u Iohi Dhar na ka Mooknor Thadmuthlong uwa da thap 8 kool ha kani ka lympung.

I naam Best Goalkeeper da yoh da u Lalmalsawma Tariang na ka Chutwakhu.

Related posts

Jop ka Tympang wa ka Maya ha ka 2nd Division, ka Mukhla Raij ha ka Super Division ka TSA

September 2, 2025

Jop ka Saindur Mihmyntdu wa ka Iooksi ha ka 3rd Division, ka Luti Tuber ha ka 2nd Division ka WJDSA

September 2, 2025

Ya i naam Man of the Match da yoh da u Trerigin Tariang na ka Chutwakhu.

U Player of the Tournament da yoh da u Gladio Susngi na ka Chutwakhu.

Ka Chutwakhu da rah ko leh ya ka song poisa wa Rs. 50,000 katwa ka Mooknor Thadmuthlong won da rah ko Rs. 30,000.