Ka Great Mercy Langte kawa na ka chnong Domsohkhai Nongnah, South West Khasi Hills District da yoh ko wow sap ya ka pangsnget jop yong ka yakob miat kynthai ki manbei kawa tip kam ka Mrs Diva North East 2024 kawa da pynman ha ka 11 tarik uni u bnai ha Guwahati.
Da em soo ngut ki manbei kiwa napoh ka jylla kiwa da mihkhmat cha katai ka yakob najrong ka Great Mercy Langte kawa yoh yei naam jop, kiwi toh ka Dahun Nongpluh kawa na Nartiang, West Jaiñtia Hills District kawa da yoh 2nd Runner Up deilang ka Sub-Title Miss Congeniality, ka Kyntulang Rynjah na ka chnong Syniasya kawa poi ha ka Top Five wei kawa yoh yei naam Sub-Title Best Figure wa ka Bethelda Marweiñ kawa na ka chnong Lawbah.
Kini ki manbei hapoh i yahkhmat u President ka All Meghalaya Dancers Association, u Kitbok Thabah da wan yachem ki wa kiwa thoh khubor ha Shillong yow pynbna paidbah hajrong ini i naam i burom wa wanrah ki neibynta ka jylla.
Discussion about this post