Chah pyndam ka License wei ngat kuna Rs. 2.5 lak uwa kah luti ya ka Ambulance

Uwi u bru da chah pynchitom u deiwa joor hadien wa kah luti u da ka kari u ya kawi ka Ambulance ha sor Thrissur, Kerala, heiwa da chah pyndam ka Driving Licence u kamjooh da chah daiñ kuna u Rs 2.5 lak.

Ini da jia i ha ka 7 tarik ha Chalakudy, heipor wa kani ka Ambulance lai ko na Ponnani cha Thrissur Medical College heiwa uni uwa yah kari ym e laad u ya ka Ambulance wow lai chwa ko ha ka sarok 2-Lane kawa khian wei kawa boon kari.

I Video wa riñ yeini wa jia da pynyoo i ya ka Ambulance wa pynkieh siren wei kamjooh kawa pynkieh Horn tangwa da chah kah bait ko ha ka kari Maruti Suzuki Ciaz deiwa leh chynnam wei ini i Video toh iwa jrong ar minit.

Ya uwa yah da chah pynngat u hapoh ki kyndon ka Motor Vehicles Act kiwa kynthup wa kah luti chynnam heipor wa jhan (Emergency).

Related posts

Daw sdang noh ya ka karkhana chna Mobile Phone ha Assam: Himanata

January 9, 2026

Daw sdang ya ka Scheme wow sumaar mynkna ya kiwa mynsoo nei tyrrah kari

January 9, 2026

Katkam ka Section 194E ka Motor Vehicles Act, i kah luti ya ka Ambulance ye i wow chah pynchitom deiwa kset hadooh 6 bnai, ka kuna wa Rs 10,000 namo pyn ar kini.

Ka Kerala Motor Vehicles Department (MVD) da ban joor ko wa ki Ambulance em hok ki wow lai suk na sarok wei i kah luti kamni ye i wow booh hei maa ya i mynsien bru.