Ka Meghalaya da chim ko sa chi kaap yow psiah cha ka Final Round ka Senior Men’s National Football Championship kawa tip kam ka Santosh Trophy 2024-25 deiwa jop ya ka Nagaland da 3-0 ha ka yalehke wa ar yong ki ha ka Group E kawa da pynman ynne ha Nalbari, Assam.
Chwa kani, ka Meghalaya da jop ko ya ka Arunachal Pradesh wei sa i jop ynne da yoh ko 6 Point deiwa em sa kawi ka yalehke.
Ya ka Meghalaya ynne da thap da u Donlad Diengdoh (21′), u Fullmoon Mukhim (26′) wa u Fairming Suting ha ka minit wa 87 uwa mih kam u Substitute.
Neiliang u Coach ka Meghalaya, u Hering Shangpliang da pynkylla u du uwi na kiwa yalehke deiwa wanrah da u Robertson Khongriah deiwa pynchong ya u Badondor Marbaniang.
Ha kawi won ka yalehke ha kani ka Group ynne, ka Assam da jop ko ya ka Arunachal da 4-0 tangwa chwa kani won, ka Nagaland da jop ko ya ka Assam.
Ini mut i wa ka Meghalaya ym ye ko wow kheiñstiñ ya ka Assam ha kani ka 24 tarik neibhah lada ka Assam jop ko ya ka Meghalaya wei ka Nagaland jop ko ya ka Arunachal, daw em 3 tylli ki Team kiwa em mar 6 Point.
Lada ya Drawn ka Meghalaya hawa yachem wa ka Assam, ini leh daw pyntikna wow yoh nyngkong ka Meghalaya ha ka Group E.
Ha kani ka Santosh Trophy du kiwa yoh nyngong donhi wa yoh u lai cha ka Final Round.
Kiwa yalehke ka Meghalaya ynne:
Siwel Rymbai (GK), Overkindness L Mawnai, Arlangky Nongsiej, Donborlang Nongkynrih, Wanboklang Lyngkhoi, Aibiangmame Nongneng, Kevin Rymbai (sub Fairming Suting 63′), Robertson Khongriah (sub Aenam Jyrwa 90’+4), Fullmoon Mukhim (sub Dibormi Kassar 90’+4), Damanbhalang Chyne (sub Baiaikara Swer 76′), Donlad Diengdoh (sub Khrawkupar Jana 63′)
Discussion about this post