Ka 8th Invitation Knockout Football Tournament wa pynman da ka Wahiajer Sport Club da pteiñ biang ya ka ynne ha Wahiajer Sports Complex da ka yalehke wa 24 kani ka lympung yalehbol kawa man leh ka yalehke khaddooh ki Pre-Quarter Final.
Ha ka yalehke wa da pynman, ka New Shillong da yoh ko wow psiah Quarter Final deiwa jop ya ka Thadmusem da 4-3.
Ya ka New Shillong da thap da u Bapynkmen Kharsati ha ka minit wa 19, u Basuklang Bina ha ka minit wa 21 wa 27 wa u Elmiroy Kharumnuid ha ka minit wa 80+1 katwa ya ka Thadmusem da yoh thap da u Samuel Shadap ha ka minit wa 34 wa 49 wa u Samson Nongrum ha ka minit wa 80+4.
Yei naam Man of the Match da yoh da u Basuklang Bina na ka New Shillong.
Ka yakhun wa bood u pynman ha kani ka 29 tarik hapyrdi ka Nangbah Mulang wa ka Friends United, kawa man leh ka yakhun Quarter Final wa nyngkong kani ka lympung yalehbol.
Discussion about this post