Rahbor ka wa kreh ya i khonboo wa le bnai na Mawngap

Shillong : Ynnin ka 7 tarik iwi i khonboo wa dang le tayaw i khon ka

Shibani Khyriem da wiar i na yung chirup wa kawa kreh kani ka manyung ya kawa tip kam ka Saralinda Kharpuli wa 30 snem i rta na Mawngap.

Ynne dang step kamwa 2 waje ki pulit da yoh ki u pyllait ya ini i khonboo, na Umran Dairy, Ri Bhoi District wei da kem leh ya ka Saralinda.

Ya ki tre yung neiwa kem ya ini i khonboo ym em u kem ya ki wei ki pulit da ong ki wa lada chem wa emkti ki daw kem ya ki leh kamjooh.

Yei thmu ka Saralinda wow rah ya i khonboo ym pu tip hadooh katni, wei ya i khonboo da e kti noh cha ka Shibani.

Ki pulit dang takit ki yeini i kaam waroh.

Katkam ka yutip won wa yoh u Wyrta da ong wa kani ka Saralinda da ong ko ya ka bei kurim ko wa da pun khon ko la le bnai.

Hadien ini da lai ko cha Mawngap hei yung wa sah ka bei ko heiwa da pynyajan ko wa ki jan yung heiwa da pyndur wow ri wow pait ya i khon ka Shibani.

Hadien wa rah ko yei khonboo cha Umran Dairy, da ong ko ya ki bei kurim ko wa sah ha Umran wa ini i khonboo toh i yong ka.